Tramp və Putin Alyaskada görüşəcəklər
ABŞ prezidenti Donald Tramp və Rusiya prezidenti Vladimir Putin arasında görüş avqustun 15-də Alyaskada baş tutacaq. Bu barədə avqustun 8-də D.Tramp bildirib.
Onun təxmininə görə, Rusiya və Ukrayna arasında potensial sülh sazişi ərazi mübadiləsini əhatə edəcək. "Hər iki tərəfin qarşılıqlı faydası üçün müəyyən ərazi mübadiləsi olacaq... Nəyisə geri verəcəyik, nəyisə mübadilə edəcəyik", - Tramp jurnalistlərə izah edib. O bu barədə yaxın vaxtlarda konkret söhbətin olacağını bildirib.